David P
4.4 KiB
Read this in other languages: English, беларуская, русский, Français, Nederlands, Türkçe, українська, Polski, Deutsch, Português do Brasil, العربية, Bahasa Indonesia, 中文, български, Tiếng Việt, Slovenščina
Частыя пытанні
Перш чым задаваць пытанне на GitHub або ў Discord, калі ласка, азнаёмцеся з гэтым раздзелам.
1. Адкуль гэтае пашырэнне бярэ дадзеныя?
Камбінацыя Google API і сабраных дадзеных (скрэйпінгу).
Мы захоўваем усе даступныя дадзеныя ў нашай базе, каб яны заставаліся даступнымі пасля таго, як Google адключыць лічыльнік непадабаек у сваім API.
2. Колькасць непадабаек у відэа не абнаўляецца
Зараз непадабайкі для відэа кэшуюцца і абнаўляюцца не вельмі часта. Прыкладна раз на 2–3 дні, не часцей.
Так, гэта не ідэальна, але як ёсць. Мы працуем над тым, каб павялічыць частату абнаўленняў.
3. Як гэта працуе?
Пашырэнне збірае ідэнтыфікатар відэа (video id), якое вы глядзіце, і запытвае колькасць непадабаек (а таксама іншыя палі: прагляды, падабайкі і г. д.) праз наш API. Калі гэта першы запыт відэа ў нашым API, наш API выкарыстоўвае YouTube API для атрымання дадзеных, пасля чаго захоўвае іх у базе для кэшавання (кэш захоўваецца каля 2–3 дзён) і архівавання, і вяртае іх вам. Затым пашырэнне адлюстроўвае непадабайкі на старонцы.
4. Што адбудзецца пасля таго, як YouTube API спыніць вяртаць колькасць непадабаек?
Сервер пераключыцца на выкарыстанне камбінацыі архіўных статыстычных дадзеных аб непадабайках, ацэнак, экстрапаляваных на аснове паводзін карыстальнікаў пашырэння, і ацэнак на аснове суадносін праглядаў і падабаек для відэа, непадабайкі якіх не былі заархіваваныя або чые архіўныя дадзеныя састарэлі.
5. Як разлічваецца колькасць непадабаек?
RYD выкарыстоўвае галасы сваіх карыстальнікаў для экстрапаляцыі колькасці непадабаек.
-
Калі відэа было загружана пасля адключэння API:
\textup{RYD Dislike Count} = \left( \frac{\textup{RYD Users Dislike Count}}{\textup{RYD Users Like Count}} \right) \times \textup{Public Like Count} -
Калі ў базе дадзеных RYD нейкім чынам захавалася фактычная колькасць падабаек і непадабаек (прадастаўленая аўтарам або з архіва), колькасць непадабаек будзе разлічвацца на аснове абодвух паказчыкаў: галасоў карыстальнікаў і архіўнага значэння. З часам архіўнае значэнне будзе аказваць усё меншы ўплыў на выніковы лік.
Гэта ж у фармаце відэа:
Мяне хвалююць пытанні бяспекі і прыватнасці
Глядзіце гэтую старонку для атрымання падрабязнай інфармацыі.